जालना - सतकर कॉम्प्लेक्स परिसरात एक बेवारस लोखंडी पेटी आढळून आली. ही पेटी पाहून सगळ्यांचीच तारांबळ उडाली. याबाबत तत्काळ पोलिसांना माहिती देण्यात आली. पोलिसांनी पेटीची तपासणी केली असता त्यामध्ये विद्यार्थ्याचे दप्तर निघाले.
हेही वाचा - पारंपरिक शेतीला फाटा.. काटेरी निवडुंगातून शोधली आर्थिक प्रगतीची वाट
शुक्रवारी सकाळी व्यवसायिकांनी नेहमीप्रमाणे आपापली दुकाने उघडण्यास सुरुवात केली. सतकर कॉम्प्लेक्समध्ये दोन दुकानांदरम्यान असलेल्या मोकळ्या जागेत एक बेवारस लोखंडी पेटी दिसली. पेटीचा आकार मोठा असल्याने या पेटीला हात लावण्याचे धाडस नागरिकांनी केले नाही. याची माहिती पोलिसांना मिळाल्यानंतर पोलीस घटनास्थळी हजर झाले. पोलिसांनी ही पेटी उघडून पाहिली. या पेटीमध्ये विद्यार्थ्याचे दप्तर निघाले. त्यानंतर परिसरातील नागरिकांनी सुटकेचा नि:श्वास सोडला.