जालन्यात कोरोना रुग्णांत वाढ; आराध्य दैवत राजुरेश्वराचे मंदिर चतुर्थीलाही बंद राहणार

जालना जिल्ह्यातीलच नव्हे तर महाराष्ट्रातील भाविक या गणपतीच्या दर्शनासाठी येतात. मात्र, जालना जिल्ह्यामध्ये covid-19 च्या रूग्ण संख्येत होणारी वाढ लक्षात घेता जिल्हाधिकाऱ्यांच्या आदेशान्वये जमावबंदीचे आदेश लागू आहेत

जालना -जिल्ह्यासह महाराष्ट्राचे आराध्य दैवत असलेले भोकरदन तालुक्यातील राजूर येथील गणपतीचे मंदिर उद्या बुधवार दिनांक 31 रोजी असलेल्या चतुर्थीला बंद राहणार आहे .साडेतीन पीठांपैकी एक पीठ असलेला राजूर येथील राजुरेश्वर गणपती हा भाविकांसाठी श्रद्धेचे स्थान आहे. दर महिन्याच्या चतुर्थीला इथे लाखो भाविकांची गर्दी असते. गेल्या महिन्यातील चतुर्थी ही अंगारकी चतुर्थी होती. या दिवशीदेखील जिल्हाधिकाऱ्यांच्या आदेशान्वये राजुरमध्ये संचारबंदी लावली होती. त्यामुळे भाविकांना कळसाचे देखील दर्शन घेता आले नाही. तशीच परिस्थिती उद्याच्या चतुर्थीनिमित्त आहे.

कोरोनाच्या प्रसार रोखण्यासाठी देऊळ बंद

जालना जिल्ह्यातीलच नव्हे तर महाराष्ट्रातील भाविक या गणपतीच्या दर्शनासाठी येतात. मात्र, जालना जिल्ह्यामध्ये covid-19 च्या रूग्ण संख्येत होणारी वाढ लक्षात घेता जिल्हाधिकाऱ्यांच्या आदेशान्वये जमावबंदीचे आदेश लागू आहेत. या आदेशाचे उल्लंघन होऊ नये म्हणून श्री गणपती संस्थान राजूरचे अध्यक्ष तथा भोकरदनचे तहसीलदार यांनी आदेश काढून उद्या बुधवार दिनांक 31 रोजी असलेल्या गणेश चतुर्थीला हे मंदिर बंद ठेवण्याचा निर्णय घेतला आहे.

हेही वाचा-मिठी नदीत सापडलेला डीव्हीआर सचिन वाझेच्या सोसायटीचा, अनेक गूढ उलगडणार