जालनाManoj Jarange Patil : मनोज जरांगे पाटील यांनी आज अंतरवाली सराटी येथे एक महत्त्वाची बैठक घेतली. तसंच यावेळी त्यांनी सरकारच्या शिष्टमंडळासोबत सुद्धा चर्चा केली आहे. यावेळी बोलताना जरांगे पाटील यांनी समाज बांधवांना काही सूचना दिल्या आहेत. अंतरवाली सराटीतून लाखोच्या संख्येने मुंबईच्या दिशेने समाज बांधव रवाना होणार आहेत. त्या पार्श्वभूमीवर समाज बांधवांना मूलभूत साहित्य सोबत घेण्याच्या सूचना दिल्या आहेत.
स्वच्छालय आणि स्वयंपाकाची व्यवस्था करावी : पुढे बोलताना म्हणून जरांगे पाटील म्हणाले की, आता आमच्या माता माऊली इकडची खिंड लढवणार आणि आम्ही तिकडे येऊन तिकडची खिंड लढवणार. तसेच लाखोच्या संख्येने मुंबई येथे मराठा समाज बांधव हा आंदोलनासाठी 20 जानेवारीपासून दाखल होणार आहे. त्या पार्श्वभूमीवर मुंबई महानगरपालिकेने आम्हाला मदत करायला पाहिजे. समाज बांधवांसाठी महापालिकेने स्वच्छतालय आणि स्वयंपाकाची व्यवस्था शिवाजी पार्क या परिसरामध्ये करून द्यायला पाहिजे. तसंच यामध्ये काही महिला स्वयंसेवक यांचीही सुद्धा गरज भासणार असल्याचं मत त्यांनी समाज बांधवांच्या बैठकीत बोलून दाखवलं. त्याचबरोबर वकिलांची सुद्धा मोठी टीम लागणार असल्याचं ते म्हणाले.