बदनापूर (जालना)-कोरोनाची लस काही दिवसात येणार असल्याने शासनाने तरी सुरु केली आहे. व त्या दृष्टीने ८ जानेवारी रोजी बदनापूर ग्रामीण रुग्णालयात सकाळी १० ते १ या वेळेत लसीकरणाचे ड्राय रन आयोजित करण्यात आले होते. मात्र या साठी प्रशिक्षण दिलेले पोलीस, शिक्षक, आशा सेविका, अंगणवाडी सेविका कर्मचारी सकाळी १०:३० वाजेपर्यंत न आल्याने तारांबळ उडाली असून ड्राय रन लस कार्यक्रम १०:३५ वाजता सुरु करण्यात आला. २५ पैकी २४ जणांना लस देण्यात आली एक जण वैक्तिक कारणामुळे हजर राहू शकले नाही, असे सूत्रांनी सांगितले. दरम्यान २ जानेवारी रोजी शेलगाव येथे ड्राय रन घेण्यात आले. त्या तुलनेत आजचे नियोजन नगण्य दिसून येत होते.
बदनापूरात कोरोना लसीकरणाचा ड्राय रन'लाच वेळेचे नियोजन हुकले
कोरोनाची लस काही दिवसात येणार असल्याने शासनाने तरी सुरु केली आहे. व त्या दृष्टीने ८ जानेवारी रोजी बदनापूर ग्रामीण रुग्णालयात सकाळी १० ते १ या वेळेत लसीकरणाचे ड्राय रन आयोजित करण्यात आले होते. मात्र
बदनापूर ग्रामीण रुग्णालय
शुक्रवार ८ जानेवारी रोजी सकाळी १० ते १ यावेळेत बदनापूर ग्रामीण रुग्णालयात ड्राय रन घेण्यात येणार, अशी माहिती गुरुवारी संबंधित कर्मचाऱ्यांना देण्यात आली होती. मात्र सकाळी १०:३० वाजेपर्यंत कर्मचारी हजर न झाल्याने समन्वयकांना संबंधित कर्मचाऱ्यांना वारंवार फोन करण्याची वेळ यावेळी आली. तर पोलिसांना सकाळी ९:४५ वाजता फोन केल्यानंतर पोलीस कर्मचारी १०:२५ वाजता हजर झाले. एकंदरीत ड्राय रन कार्यक्रमाचे संबंधितांना गांभीर्य नसल्याचे दिसून आले. यावेळी १०:३० वाजता विद्या पवार यांना लसीकरण करण्यात आले. याठिकाणी गेटवर नाव, आधार, ओळखपत्र तपासणी करण्यात आली. त्यानंतर लस हॉल मध्ये स‌ॅनिटाईज करून लस देण्यात आली. व नंतर निरीक्षण हॉल मध्ये ३० मिनिटे थांबण्याची सूचना दिली.
ग्रामीण रूग्णालयापेक्षा प्राथमिक आरोग्य केंद्रात दिसले गांभीर्य-
२ जानेवारी रोजी बदनापूर तालुक्यातील सेलगाव तालुका आरोग्य अधिकारी डॉ. योगेश सोळूंके यांच्या नेतृत्वाखाली ड्राय रन घेण्यत आले. त्यावेळी सर्व कर्मचारी सकाळी ७ वाजता हजर झाले होते. व वेळेतच पूर्ण प्रक्रिया करण्यत आली होती. मात्र ग्रामीण रूग्णालयात आयोजित ड्राय रन च्या वेळी नियोजनाचा अभाव दिसून आला. १०:३५ वाजत घाईघाईत ड्राय रन ला सुरवात करून प्रत्यक्षिक सुरु झाले. आजच्या ड्राय रन मध्ये २५ पैकी २४ जणांनी सहभाग नोंदविला तर १ जन वैयक्तिक कारणामुळे हजर राहू शकले नाही, असे ग्रामीण रुग्णालयाचे डॉ.ओम ढाकणे यांनी सांगितले.
हेही वाचा-चंद्रपुरात शेतकऱ्यानी मुख्यमंत्री उद्धव ठाकरेंचा ताफा अडवला