जालना- एकदा उद्योजकांनी उद्योगांमध्ये पडल्यानंतर उद्योजकांचा धर्म स्वीकारला पाहिजे. त्यामध्ये नामोहरम होऊन परत फिरू नका आणि सकारात्मकतेने उद्योग करा. आपल्या व्यवसायामध्ये नावीन्य ठेवा, यश तुमचेच आहे, असा सल्ला रसायन तंत्रज्ञान संस्था मुंबईच्या संचालिका तथा सन 2016 चा उंच माझा झोका पुरस्कार प्राप्त डॉ. स्मिता लेले यांनी उद्योजकांना दिला आहे.
डॉ. स्मिता लेले, संचालिका, रसायन तंत्रज्ञान संस्था, मुंबई हेही वाचा - रस्त्याच्या कामासाठी टाकलेल्या खडीमुळे बससेवा झाली बंद; विद्यार्थ्यांना पायपीट करत गाठावी लागते शाळा
देवगिरी नागरी सहकारी पतसंस्थेच्या वतीने महिला बचत गटांनी तयार केलेल्या उत्पादनांच्या प्रदर्शन व विक्री समारंभाप्रसंगी त्या प्रमुख मार्गदर्शक म्हणून बोलत होत्या. या प्रदर्शनाचे उद्घाटन तुळजापूर येथील नवदुर्गा पुरस्कार प्राप्त सामाजिक कार्यकर्त्या भारताबाई देवकर यांच्या हस्ते करण्यात आले.
हेही वाचा -जालन्यात व्यापारी राजेश नहार यांची गोळ्या झाडून हत्या
पुढे बोलताना डॉ. लेले म्हणाल्या की, महिला बचत गटाच्या माध्यमातून महिलांनी मोठा विचार करून देशातला पैसा देशातच ठेवण्यासाठी प्रयत्न केला पाहिजे. व्यवसाय वाढीसाठी आपले उत्पादन परदेशात कसे पाठवता येईल? ते ज्ञान आत्मसात केले पाहिजे. विज्ञानाचा फायदा घेऊन अत्याधुनिक व्यवसाय करता येऊ शकतात. आपल्या आयुष्याची गुणवत्ता ही विज्ञानामुळे सुधारु शकते. परंतु, त्याचा वापर कसा करायचा? हे मानसांनी ठरविले पाहिजे, असे लेले यांनी सांगितले.
