जळगाव (भुसावळ) : शेतकऱ्यांच्या मागणीवरुन २५ ऑगस्टपासून किसान पार्सल रेल्वे गाडी दर मंगळवारी आणि शुक्रवारी चालवण्याचा निर्णय रेल्वे प्रशासनाने घेतला आहे. या निर्णयामुळे शेतकरी, व्यापारी, बाजार समिती, लोडर्स यांना आपल्या सोयीनुसार जास्तीत-जास्त माल परप्रांतात पाठवता येणार आहे.
००१०७ डाऊन देवळाली ते मुजफ्फरपूर किसान पार्सल गाडी ही मंगळवारी आणि शुक्रवारी देवळालीहून सायंकाळी सहा वाजता सुटल्यानंतर, गुरुवारी आणि रविवारी पहाटे ३.५५ वाजता मुजफ्फरपूरला पोहोचेल. ही गाडी नाशिक रोडला ६.१०, मनमाड ७.३०, जळगाव ९.५५, भुसावळ १०.४५, बुधवार आणि शनिवारी बऱ्हाणपूरला रात्री १२.५, खंडवा २.१० वाजता पोहोचेल.