जळगाव -चोरीच्या गुन्ह्यात वडिलांना अटक झाल्यानंतर बदनामीच्या भीतीने तरुणाने रेल्वेखाली आत्महत्या केली. ही घटना गुरुवारी जळगाव जिल्ह्यातील रावेर येथे घडली. मनोज रवींद्र प्रजापती (वय २०, रा. रावेर) असे आत्महत्या करणाऱ्या तरुणाचे नाव आहे.
रावेर येथील प्रकाश सीताराम प्रजापती यांच्या घरातून ३४ हजार ५०० रुपये किमतीचे १५ ग्रॅम सोन्याचे दागिने, चांदीचे नाणे आणि पाच हजार रोख असा एकूण ३९ हजार ८०० रुपयांचा ऐवज चोरीला गेल्याची घटना झाली. या प्रकरणी रावेर पोलीस ठाण्यात गुन्हा दाखल करण्यात आलेला आहे. यानंतर पोलिसांनी रवींद्र नारायण कुंभार याला संशयित म्हणून ताब्यात घेतले. चौकशीनंतर रवींद्र कुंभारने चोरी केल्याची कबुली दिली.
हेही वाचा -साताऱ्यात बोअरवेल्सच्या ट्रकचा भीषण अपघात; तीन ठार, दहा जखमी