हिंगोली -नागरिकांच्याअन्न, वस्त्र, निवारा आणि आरोग्य या मुलभूत गरजा आहेत. त्याबरोबर आता मोबाईलदेखील मुलभूत गरज बनली आहे. ही गरज पाहता मोबाईल कंपन्या ग्राहकांना विविध प्रकारच्या सुविधा देत आकर्षित करत आहेत. त्यामुळे लोकही महागडे मोबाईल घेतात. मात्र, सेनगाव तालुक्यातील ताकतोडा येथील मोबाईल धारकांना वेगळ्याच अडचणीचा सामना करावा लागतो आहे.
मोबाईलला नेटवर्क मिळत नसल्याने त्रासलेल्या गावकऱ्यांचे झाडावर चढून आंदोलन
हातात मोबाईल आहे. मात्र, गावात नेटवर्क नसल्याने सर्वांची मोठी पंचायत झाली आहे. कोणाला संपर्क करायचा असेल तर सर्वप्रथम झाड शोधावे लागते. काहीवेळा संपर्क होतो. तर, काहीवेळा होत नाही. त्यामुळे त्रासलेल्या गावकऱ्यांनी झाडावर चढून आंदोलन केले.