हिंगोली -मागील काही वर्षांपासून हिंगोलीतील जलेश्वर आणि सिरेहकशाह बाबा दर्गा या तलावांमधील कमळाची फुले उगवणे कमी झाले आहे. त्यामुळे एकेकाळी कमळाच्या फुलांसाठी प्रसिद्ध असलेल्या हिंगोलीमधून कमळाची फुले नामशेष होण्याच्या मार्गावर आहेत.
हिंगोलीतून कमळाची फुले नामशेष होण्याच्या मार्गावर
गौरीपुजनाच्या दिवशी कमळाच्या फुलांना प्रचंड मागणी असत. यावर्षी मात्र जलेश्वर आणि सिरेहकशाह बाबा दर्गा या तलावांमधे पुरेशी फुले उगवली नाहीत. त्यामुळे विक्रेते बाहेरून फुलांची खरेदी करून विक्री करत आहेत. शहरातील दोन्ही तलावात दूषित पाण्याचे प्रमाण वाढले आहे. तसेच तलावाची पाणीपातळी खालावत असल्याने, कमळाची फुले उगवण्याचे प्रमाण कमी झाले. दोन वर्षांपूर्वी ही परिस्थिती उलट होती. फुलांची संख्या प्रचंड होती. दोन्ही तलावातील फुले तोडणी करण्यासाठी महसूल विभागाकडून पूर्व परवानगी आणि निवीदादेखील भरली जायची.