गोंदियात कारची शिवशाही बसला धडक; तीन जण गंभीर

नागपुरवरून गोंदियाकडे येणाऱ्या शिवशाही बसने विरूध्द दिशेने येणाऱ्या वाहनाला पाहून ब्रेक लावले. त्यामुळे शिवशाहीच्या मागोमाग असलेल्या दुचाकी चालकानेही ब्रेक लावले. मात्र, दुचाकीच्या मागे असलेल्या आय-१० कारच्या महिला चालकाने ब्रेक न मारता त्या दुचाकीला जोरदार धडक दिली. यामुळे दुचाकी शिवशाहीच्या आत शिरली व दुचाकीस्वार बाजूला फेकला गेला.

गोंदिया - कारची शिवशाही बसला धडक बसल्याने ३ जण गंभीर झाले आहेत. ही घटना गोरेगाव तालुक्यातील मुंडीपार पेट्रोलपंपाजवळ सोमवारी सायंकाळच्या सुमारास घडली.

नागपुरवरून गोंदियाकडे येणाऱ्या शिवशाही बसने विरूध्द दिशेने येणाऱ्या वाहनाला पाहून ब्रेक लावले. त्यामुळे शिवशाहीच्या मागोमाग असलेल्या दुचाकी चालकानेही ब्रेक लावले. मात्र, दुचाकीच्या मागे असलेल्या आय-१० कारच्या महिला चालकाने ब्रेक न मारता त्या दुचाकीला जोरदार धडक दिली. यामुळे दुचाकी शिवशाहीच्या आत शिरली व दुचाकीस्वार बाजूला फेकला गेला.

दरम्यान, कारने शिवशाहीला जोरदार धडक दिल्याने कार (क्र. एमएच ३५ पी ९४२) चा चेंदामेंदा झाला. या अपघातात ३ लोक जखमी झाले असून त्यांना गोंदिया येथील जिल्हा रुग्णालयात उपचाराकरीता पाठविण्यात आले आहे. सदर महिला चालक आमगाव तालुक्यातील साखरीटोला येथील एका खासगी शाळेच्या प्राचार्य असून त्यांचे आडणाव चुटे असल्याची माहिती आहे. तर दुचाकी (क्र. एम.एच ३५ एसी ९३७२) वरील युवकांचे नाव अद्याप कळू शकले नाही.