गडचिरोली - जिल्ह्यातील नक्षली कारवाईचे केंद्र असलेल्या अतिसंवेदनशील एटापल्ली तालुक्यातील हेडरी पोलीस आउटपोस्ट. या ठिकाणी पालकमंत्री एकनाथ शिंदे यांंनी भेट दिली. यावेळी पोलीस दलात कार्यरत असलेल्या महिला पोलीस, पोलीस कुटुंबातील महिला आणि स्थानिक आदिवासी महिलांकडून राखी बांधून घेत रक्षाबंधनाचा सण मंत्री शिंदे यांनी साजरा केला. यावेळी नक्षली कारवाईचा धोका पत्कारून कर्तव्य बजावणाऱ्या पोलीस बांधव आणि भगिनींना ते करत असलेल्या कामाबद्दलही एकनाथ शिंदे यांनी आभार मानले. तसेच त्यांना कर्तव्य बजावताना येणाऱ्या सर्व समस्या सोडवण्याचे सर्वतोपरी प्रयत्न केले जातील, असे आश्वासनही यावेळी पालकमंत्री एकनाथ शिंदे यांनी दिले.
एकनाथ शिंदेंनी पोलिसांसोबत साजरा केले रक्षाबंधन