गडचिरोली - मंगळवारी एकाच दिवशी 20 मृत्यूसह जिल्हयात 370 नवीन कोरोना बाधित आढळून आले. आज 108 जणांनी कोरोनावर मात केल्याने त्यांना रूग्णालयातून घरी सोडण्यात आले. यामुळे जिल्हयातील आत्तापर्यंत बाधित 12952 पैकी कोरोनामुक्त झालेली संख्या 10854 वर पोहचली. सद्या 1911 सक्रिय कोरोना बाधितांवर उपचार सुरू आहेत.
आतापर्यंत 157 जणांचा मृत्यू -
आत्तापर्यंत जिल्हयात एकुण 157 जणांचा मृत्यू कोरोनामुळे झाल्याची नोंद आहे. आज नवीन 20 रूग्णांचा मृत्यू झाला आहे. जिल्हयातील कोरोना रूग्ण बरे होण्याचे प्रमाण 83.80 टक्के, सक्रिय रूग्णांचे प्रमाण 14.99 टक्के तर मृत्यू दर 1.21 टक्के झाला.
या तालुक्यात आढळले बाधित-
नवीन 370 बाधितांमध्ये गडचिरोली तालुक्यातील 150, अहेरी तालुक्यातील 23, आरमोरी 20, भामरागड तालुक्यातील 19, चामोर्शी तालुक्यातील 20, धानोरा तालुक्यातील 26, एटापल्ली तालुक्यातील 10, कोरची तालुक्यातील 11, कुरखेडा तालुक्यातील बाधितामध्ये 21, मुलचेरा तालुक्यातील बाधितामध्ये 5, सिरोंचा तालुक्यातील बाधितामध्ये 35 तर वडसा तालुक्यातील बाधितामध्ये 30 जणांचा समावेश आहे. तर आज कोरोनामुक्त झालेल्या 108 रूग्णांमध्ये गडचिरोली मधील 44, अहेरी 10, आरमोरी 2,मुलचेरा 1 ,भामरागड 20, चामोर्शी 8, धानोरा 1, एटापल्ली 0, सिरोंचा 3 ,कोरची 2 ,कुरखेडा 03 तसेच वडसा 14 येथील जणाचा समावेश आहे.
