गडचिरोली- नक्षलग्रस्त गडचिरोली जिल्ह्यात महाराष्ट्र दिनाला गालबोट लागले आहे. आज नक्षलवाद्यांनी सी-६० कमांडो जवानांच्या ताफ्यावर आयईडी स्फोटकांद्वारे भ्याड हल्ला केला. या हल्ल्यात १६ जवानांना वीरमरण आले आहे.
VIDEO - गडचिरोलीत नक्षल्यांचा भ्याड हल्ला; १६ जवानांना वीरमरण
मंगळवारी मध्यरात्री कुरखेडा तालुक्यातील दादापूर(रामगड) येथे नक्षल्यांनी राष्ट्रीय महामार्गाच्या कामावरील तब्बल २७ वाहने, यंत्रसामग्री व कार्यालये जाळली.
त्यानंतर आज (बुधवार) सकाळी साडेअकरा वाजताच्या सुमारास सी-६० पथकातील जवान खासगी वाहनाने कुरखेडा येथून पुढे जात असताना कुरखेड्यापासून जवळच्या अंतरावरील जांभूरखेडा गावाजवळील पुलावर नक्षलींनी भूसुरुंग स्फोट घडवला.