धुळे शहरात मान्सून पूर्व पावसाची हजेरी

गेल्या अनेक दिवसांपासून संपूर्ण धुळे जिल्ह्यात उन्हाचा पारा 42 अंश सेल्सिअस वर पोहोचला होता. आज दुपारी मान्सून पूर्व पावसाने हजेरी लावली. या पावसामुळे नागरिकांना काहीसा दिलासा मिळाला.

धुळे- शहरासह परिसरात आज दुपारी मान्सून पूर्व पावसाने हजेरी लावली. या पावसामुळे नागरिकांना काहीसा दिलासा मिळाला असला तरी उकाड्यात मात्र प्रचंड वाढ झाली आहे.

गेल्या अनेक दिवसांपासून संपूर्ण धुळे जिल्ह्यात उन्हाचा पारा 42 अंश सेल्सिअस वर पोहोचला होता. वाढत्या उकाड्याने नागरिक हैराण झाले होते. त्यामुळे नागरिकांना पावसाची प्रतीक्षा होती. अखेर आज दुपारी मान्सून पूर्व पावसाने हजेरी लावली. पाऊस सुरू होताच नागरिकांनी आनंद व्यक्त केला. सोसाट्याचा वारा आणि त्यानंतर सुरू झालेल्या पावसाने वातावरणात गारवा निर्माण झाला. पहिल्या पावसाचा काही बाल गोपालांनी आनंद देखील लुटला.