धुळे - जिल्ह्यातील शिंदखेडा तालुक्यातील बाम्हणे परिसरात रविवारी सायंकाळी जोरदार पाऊसाने हजेरी लावली. या पावसामुळे शेतात पाणी शिरून शेतीचे नुकसान झाले आहे. गावातील सबस्टेशन मध्ये पाणी शिरल्याने परिसरातील १४ गावांतील वीजपुरवठा खंडित करण्यात आला आहे. तालुक्यात झालेल्या पावसाचा जोर भयंकर होता. या पावसामुळे ग्रामस्थांनी ढगफुटीचा अनुभव घेतला.
शिंदखेडा तालुक्यात जोरदार पावसामुळे शेतकऱ्यांचे नुकसान.
याबाबत सविस्तर वृत्त असे की, शिंदखेडा तालुक्यातील बाम्हणे, धमाने, वसमाने, कोळदे या परिसरात रविवारी संध्याकाळच्या सुमारास जोरदार पावसाने हजेरी लावली. हा पाऊस साधारणत: ३ तासांपेक्षा जास्त चालला. या पावसामुळे अर्धा तास ढगफुटीसारखा अनुभव लोकांनी घेतला. यात गावाजवळ असलेला १५ फुटी नाला तुडुंब भरून वाहत आहे. यामुळे गावात गुडघ्याएवढे पाणी शिरले आहे.