धुळे- आझादनगर पोलीस ठाण्याच्या पथकाने शहराजवळील पारोळा चौफुलीजवळ गुटख्याने भरलेले एक वाहन जप्त केले. या वाहनातून पोलिसांनी तब्बल ७ लाख रुपयांचा गुटखा जप्त केला.
धुळ्यात गुटखा जप्त
धुळ्यात ७ लाखांचा गुटखा जप्त, दोन जण ताब्यात
आझादनगर पोलीस ठाण्याच्या पथकाने शहराजवळील पारोळा चौफुलीजवळ गुटख्याने भरलेले एक वाहन जप्त केले.
आझाद नगर पोलीस ठाणे
एक केशरी रंगाची मालवाहू गाडीत (क्र. एम एच १९ सीवाय ३५४८) मध्य प्रदेशातून विमल गुटखा भरून धुळे शहरात येत असल्याची गुप्त माहिती पोलीस पथकाला मिळाली होती. या माहितीच्या आधारे पथकाने पारोळा चौफुलीजवळील एका पुलाच्या खाली सापळा रचून ही गाडी अ़डवली. यावेळी पोलिसांनी गाडीच्या चालक मोहम्मद अफरोज आलम अन्सारी (वय २२ वर्षे, रा पारोळा, जि. जळगाव) आणि सहकारी चंदूमल प्रितमदास नागदेव (वय ५३ वर्षे, रा. पारोळा, जि. जळगाव) यांना ताब्यात घेतले. यावेळी गाडीत काय आहे याची चौकशी केली असता अन्सारी आणि त्याच्या सहकाऱ्याने उडवाउडवीची उत्तरे दिली. मात्र, पोलिसांनी गाडीची तपासणी केली असता त्यांना या गाडीत १ लाख ७ हजार ७१२ रुपये किंमतीचे व्ही. जे. तंबाखूचे ३ हजार २६४ पाऊच आणि ६ लाख १० हजार ३६८ रुपये किंमतीचा विमल पान मसाला आढळून आला. पोलिसांनी गाडीतील सर्व मालासह १ लाख ५० हजार रुपये किंमतीची मालवाहू गाडीही जप्त केली आहे.