चंद्रपूर- वाहतूक शाखेतील पोलीस कर्मचाऱ्याचा संशयास्पदरित्या मृत्यू झाला होता. या प्रकरणात धक्कादायक बाब समोर आली आहे. पोलीस कर्मचाऱ्याच्या मुलानेच आपल्या वडिलांचा खून केल्याची बाब उघड झाली आहे. सुखदेव सोनुने असे मृत पोलीस कर्मचाऱ्याचे नाव आहे.
माहिती देताना उपविभागीय पोलीस अधिकारी शिलवंत नांदेडकर
सुखदेव सोनुने हे वाहतूक शाखेत कार्यरत होते. २३ नोव्हेंबरला सोनुने हे पोलीस वसाहतीतील आपल्या घरात संशयास्पदरित्या मृतावस्थेत आढळले होते. त्यांच्या डोक्यावर अनेक जखमा होत्या. मात्र, त्यांच्याशी कुणाचेही शत्रुत्व नसल्याने संशय घेण्यासाठी जागा नव्हती. त्यामुळे त्यांच्या पत्नीच्या सांगण्यानुसार आकस्मिक मृत्यूची नोंद रामनगर पोलीस ठाण्यात करण्यात आली होती.