चंद्रपूर- राजूरा येथील टेबी दर्ग्याजवळील तलावात एका महिलेने आत्महत्या केल्याची घटना घडली आहे. ही घटना आज सकाळी ९ वाजेच्या सुमारास उघडकीस आली. काजल अशोक नव्कलवार, असे आत्महत्या केलेल्या महिलेचे नाव आहे.
प्राप्त माहितीनुसार, राजुरा शहरातील रमानगर येथील काजल नव्कलवार या दोन दिवसापूर्वी खरेदी करण्यासाठी बाजारात जाते, असे सांगून घराबाहेर पडल्या होत्या. मात्र, दोन दिवस उलटूनही त्या घरी परतल्या नाहीत. कुटुंबीयांनी त्यांची शोधाशोध केली, मात्र त्यांचा सुगावा लागला नाही. त्यामुळे, काजल यांच्या पतीने राजुरा पोलीस ठाण्यामध्ये बेपत्ता झाल्याची तक्रार दाखल केली होती.