बुलडाणा - विधानसभा निवडणुकीच्या पार्श्वभूमीवर काँग्रेस आणि राष्ट्रवादीला लागलेली गळती काही केल्या थांबायला तयार नाही. आज मुंबईत काँग्रेसचे ५ आमदार भाजपमध्ये प्रवेश करणार आहेत. यामध्ये बुलडाणा जिल्ह्यातील चिखली मतदारसंघाचे काँग्रेसचे आमदार राहुल बोंद्रे हेही भाजपमध्ये जाणार असल्याची चर्चा रंगली होती. मात्र, मी काँग्रेस सोडणार नसल्याचे बोंद्रेंनी स्पष्ट केलंय. त्यामुळे बोंद्रेंच्या भाजप प्रवेशाच्या चर्चांना पूर्णविराम मिळाला आहे.
मी काँग्रेस सोडणार नाही, आमदार बोंद्रेंच्या भाजप प्रवेशाच्या चर्चांना पूर्णविराम - विधानसभा निवडणूक २०१९
विधानसभा निवडणुकीच्या पार्श्वभूमीवर काँग्रेस आणि राष्ट्रवादीला लागलेली गळती काही केल्या थांबायला तयार नाही. आज मुंबईत काँग्रेसचे ५ आमदार भाजपमध्ये प्रवेश करणार आहेत. यामध्ये बुलडाणा जिल्ह्यातील चिखली मतदारसंघाचे काँग्रेसचे आमदार राहुल बोंद्रे हेही भाजपमध्ये जाणार असल्याची चर्चा रंगली होती. मात्र, मी काँग्रेस सोडणार नसल्याचे बोंद्रेंनी स्पष्ट केले आहे.
आमदार राहुल बोन्द्रे
जेव्हा एकाच वेळी सगळीकडे एकच बातमी येते, तेव्हा ती बातमी नियोजितपणे पेरलेली असते. सातत्याने मी भाजपमध्ये जाणार असल्याचे सांगण्यात येत आहे. अशा बातम्या मागील 3 महिन्यांपासून सातत्याने दाखवण्यात येत आहे. याचे मी खंडणही करत आलो आहे. आज पुन्हा एकदा मी या बातमीचं स्पष्टपणे खंडन करतो. मी काँग्रेस सोडणार नाही. भाजप प्रवेशास माझा विनम्रपणे नकार असल्याचे बोंंद्रे म्हणाले.
मी काँग्रेस सोडणार नाही - आमदार राहुल बोंद्रे
काँग्रेस जो उमेदवार देईल त्याचे काम करणार
चिखली विधानसभा मतदारसंघात आणि बुलडाणा जिल्ह्यात काँग्रेस पक्ष ज्या कुणाला उमेदवारी देईल त्यांचं काम मी संपूर्ण शक्तिनिशी करेल, असेही बोन्द्रे म्हणाले. आपण चिखलीत आहात आणि प्रवेश मुंबईत आहेत तर आपला भाजप प्रवेश ऑनलाईन तर नाही ना? ईटीव्ही भारताच्या प्रतिनिधीने असा प्रश्न विचारल्यावर बोन्द्रे म्हणाले, की मी इथे आहे प्रवेश मुंबईत आहेत. कदाचित हा ऑनलाईन प्रवेश असू शकतो असेही बोन्द्रे म्हणाले. बोंद्रे हे मागील २ महिन्यांपासून पक्ष प्रवाहात नाहीत. शिवाय विद्यमान आमदार असतानाही बोन्द्रे उमेदवारीबाबत जास्त इच्छुक नाहीत. त्यामुळे कुठं तरी पाणी मुरतंय एवठे मात्र नक्की.
Last Updated : Sep 30, 2019, 12:41 PM IST