बुलडाणा -चिखली तालुक्यातील धोत्राभणगोजी येथे शाळा आय. एस. ओ. मानांकनाच्या कार्यक्रमात काँग्रेसचे आमदार राहुल बोन्द्रे आणि भाजपच्या जिल्हापरिषदेच्या सभापतीश्वेता महाले यांच्यात भाषणातून वादावादी झाली. या शाब्दिक चकमकीचे पडसाद रात्री उशिरा चिखली शहरात उमटले. येथे भाजपआणि काँग्रेसचे कार्यकर्ते समोरासमोर आले. त्यातूनच एका भाजपकार्यकर्त्याला मारहाण झाल्याची घटना घडली.
या वादानंतर दोन्ही पक्षाच्या नेत्यांनी पोलीस स्टेशनमध्ये तक्रारी दाखल करण्यासाठी धाव घेतली. या ठिकाणी हजारांहून अधिक जमाव दाखल झाला. आक्रमक झालेल्या जमावाला पांगवण्यासाठी पोलिसांनालाठीचार्ज करावा लागला. या ठिकाणी हजारांहून अधिक जमाव दाखल झाला.
पोलिसांकडून करण्यात आलेल्या लाठीचारात काँग्रेसचे माजी नगरसेवक प्रदिप पचरवालसह अन्य कार्यकर्ते किरकोळ जखमी झाले आहेत. दोन्ही गटाचे भांडण सोडताना उपनिरीक्षक मोहन पाटीलसह चार पोलीस जखमी झाले आहेत. सद्यस्थितीत दोन्ही पक्षाचे कार्यकर्ते सध्या पोलीस स्टेशनला आहेत. जिल्हा पोलीस अधीक्षक येथे दाखल झाले होते.
