बुलडाणा- जिल्ह्यात विधानसभा निवडणूक जाहीर झाल्यापासून राज्य उत्पादन शुल्क विभागाने ठिक-ठिकाणी छापे मारून केलेल्या कारवाईत 11 लाख 19 हजार 583 रुपयांचा मुद्देमाल जप्त केला आहे. याप्रकरणी पोलिसांनी 125 आरोपींना अटक केली आहे.
बुलडाण्यात 22 दिवसात लाखोंचा मुद्देमाल जप्त
विधानसभा निवडणुकीची आचारसंहिता जाहीर झाल्यानंतर राज्य उत्पादन शुल्क विभागाने बुलडाणा जिल्ह्यात हातभट्टी दारू 493 लिटर, देशी दारू 683 लिटर, फॉरेन लिकर 11 लिटर, बियर 10 लिटर अशी दारू जप्त केली आहे. उल्लेखनीय म्हणजे जळगाव जामोद शहरालगत मध्यप्रदेशातून येणारा दारू साठाही या पथकाने जप्त केला आहे.