बीड - एका अल्पवयीन मुलीवर लैंगिक अत्याचार केल्याची घटना बीड तालुक्यातील पिंपळनेर येथे समोर आली आहे. यासंबंधी पिंपळनेर पोलीस ठाण्यात गुन्हा नोंद करण्यात आला आहे. आरोपीला अद्याप अटक करण्यात आली नाही. त्याला लवकर अटक करण्यात येईल असे आश्वासन पोलीस सहाय्यक निरीक्षक शरद भुतेकर यांनी दिले.
पिंपळनेर येथे राहणाऱ्या या अल्पवयीन मुलीचे आई वडील ऊसतोडणीसाठी गेले होते. ती आजी आजोबांसोबत राहत होती. एकेदिवशी ती रस्त्याने चालत असताना आरोपीने तिला जबरदस्ती घरात ओढले आणि तिच्यावर लैंगिक अत्याचार केले.