बीड - या जिल्ह्यातील जनता माझ्या पाठीशी उभी आहे. मागील ५ वर्षात कोट्यावधी रुपये विकास कामासाठी खेचून आणले आहेत. १० हजार कोटीची कामे जिल्ह्यात राबवली आहेत. एवढा सगळा विकासाचा आलेख मागच्या ५ वर्षात उंचावला आहे. त्यामुळे माझ्यासारख्या वाघिणीची शिकार गुलेर घेऊन करायची नसते, असा टोला पंकजा मुंडेंनी धनंजय मुंडेंना लगावला. येथे आयोजित जाहीर सभेत त्या बोलत होत्या.
बीड लोकसभा मतदार संघातून भाजपच्यावतीने प्रीतम मुंडे यांनीसोमवारी उमेदवारी अर्ज दाखल केला. त्यानंतर भाजपच्यावतीने शक्तिप्रदर्शन करण्यात आले. यावेळी पंकजा मुंडेसह भाजपचे प्रदेशाध्यक्ष रावसाहेब दानवे, मंत्री अर्जुनराव खोतकर, शिवसेना जिल्हा प्रमुख कुंडलिक धांडे उपस्थित होते.
बीडमधील जाहीर सभेत पंकजा मुंडे बोलताना