दाऊतपूरात एका वीटभट्टी लेबर कॉन्ट्रॅक्टरचा खून

उचल घेऊन मजुर न पुरविल्याच्या कारणावरून एका वीटभट्टी लेबर कॉन्ट्रॅक्टरचा खून करण्यात आल्याचा प्रकार उघडकीस आला आहे.

परळी वैजनाथ- उचल घेऊन मजुर न पुरविल्याच्या कारणावरून एका वीटभट्टी लेबर कॉन्ट्रॅक्टरचा खून करण्यात आल्याचा प्रकार उघडकीस आला आहे. या प्रकरणी परळी तालुक्यातील दाऊतपूर येथील दोघांना अंबाजोगाईचे उपविभागीय पोलीस अधिकारी सुनील जायभाये यांच्या मार्गर्शनाखाली पोलिसांनी (शनिवार) 27 फेब्रुवारीला अटक केली आहे.

अपघात झाल्याचा बनाव केल्याचे निष्पन्न-

धाराजी बनसोडे (वय 40) रा. पूर्णा तालुका जि. परभणी, असे मयत व्यक्तीचे नाव आहे. 22 फेब्रुवारी रोजी परळी-गंगाखेड रोडवर त्यांचा मृतदेह आढळून आला. या प्रकरणी परळी ग्रामीण पोलीस ठाण्यात अपघाताचा गुन्हा दाखल करण्यात आला. अंबाजोगाईचे उपविभागीय पोलीस अधिकारी सुनील जायभाये यांनी घटनास्थळी तातडीने भेट दिली होती. या प्रकरणी संशय आल्यावरून कसून तपास सुरू केला. तपासात हायवा खाली चिरडून मृत्यू झाला. व अपघात झाल्याचा बनाव केल्याचे निष्पन्न झाले. त्यामुळे धाराजी बनसोडे यांचा खून झाल्याचे उघडकीस आले आहे.

दोघांना अटक-

या प्रकरणी दाऊतपूर येथील विटभट्टी मालक धनराज बिडगर व अन्य एका साथीदारास परळी ग्रामीण पोलिसांनी अटक केली आहे. शनिवारी अंबाजोगाईचे उपविभागीय पोलीस आधीकारी सुनील जायभाये, परळी शहरचे पोलीस निरीक्षक हेमंत कदम, संभाजीनगरचे पोलीस निरीक्षक सुरेश चाटे व इतर पोलीस कर्मचारी यांनी या प्रकरणाचा छडा लावला व दोघांना अटक केले आहे. तांत्रिक पुराव्याच्या आधारे वीटभट्टी लेबर कॉन्ट्रॅक्टर धाराजी बनसोडे यांचे खून प्रकरण उघडकीस आणले व परळी ग्रामीण पोलीस ठाण्यात खुनाचे कलम वाढविण्यात आले आहे.

या प्रकरणाचा पुढील तपास अंबाजोगाईचे उपविभागीय पोलीस अधिकारी सुनील जायभाये हे करीत आहेत.

हेही वाचा-पूजा चव्हाण मृत्यूप्रकरणी तक्रार दाखल करण्यासाठी पुजाची आजी पुण्यात दाखल