औरंगाबाद- शरीरसुखासाठी नकार दिल्याने एका नराधमाने चक्क महिलेच्या अंगावर रॉकेल ओतून जाळण्याचा प्रयत्न केला आहे. अंधारी गावात हा धक्कादायक प्रकार घडला असून संबंधित महिला 95 टक्के भाजली आहे. सध्या महिलेवर घाटी रुग्णालयामध्ये उपचार सुरू आहेत.
शरीर सुखासाठी नकार दिल्याने महिलेला जिवंत जाळले
संतोष मोहिते असे आरोपीचे नाव असून पोलिसांनी त्याला अटक केली आहे. रविवारी(2 फेब्रुवारी) रात्री 11 वाजेच्या सुमारास आरोपी संतोष पीडित महिलेच्या घरात आला. यानंतर त्याने पीडितेला शरीरसुखाची मागणी केली.