औरंगाबाद -अयोध्यानगर भागात एका किराणा दुकानाला आज (बुधवार) पहाटेच्या सुमारास भीषण आग लागली. आग शॉर्टसर्किटमुळे लागल्याची शक्यता वर्तवण्यात येत आहे. अग्निशमन दल वेळेवर न पोहोचल्याने सर्व दुकान जळून खाक झाले. या घटनेत सुमारे आठ लाख रुपयांचे नुकसान झाल्याचा अंदाज दुकान मालकाने व्यक्त केला आहे.
औरंगाबादमध्ये आयोध्यानगर भागात एका किराणा दुकानाला पहाटेच्या सुमारास भीषण आग लागली
अयोध्यानगर भागात राजू मोरे (रा.वाळूंज महानगर) यांचे 'समीक्षा किराणा' दुकान आहे. पहाटे तीन वाजेच्या सुमारास दुकानातून धूर घरात येत असल्याने मोरे झोपेतून जागे झाले. त्यांनी जाऊन पाहिले असता दुकानात आगीचे लोळ दिसत होते. दुकानात लागलेली आग पाहून घरातील महिलांनी आरडाओरड केला.