औरंगाबाद - मनसे कार्यकर्त्यांनी एका डॉक्टरला चोप दिल्याची घटना वैजापूर तालुक्यात समोर आली आहे. मनसे प्रमुख राज ठाकरे यांच्याबद्दल आक्षेपार्ह पोस्ट सोशल मीडियावर टाकल्याच्या कारणावरून ही मारहाण करण्यात आली असल्याची माहिती मिळत आहे. यावेळी मनसैनिकांनी डॉक्टरला मारहाण करून त्याच्या अंगावर काळी शाही फेकून त्याच्या कृत्याचा निषेधही केला आहे.
वैजापूर तालुक्यातील ला़डगाव येथील डॉ. शत्रुघ्न थोरात यांनी काही दिवसांपूर्वी फेसबुकवर राज ठाकरे यांच्याबद्दल आक्षेपार्ह लिखाण करून अशील शिव्या दिल्या होत्या. त्यामुळे संतप्त झालेल्या वैजापूर तालुक्यातील मनसे कार्यकर्त्यांनी सोमवारी दुपारी थोरात यांच्या रुग्णालयात जाऊन थोरात यांना चोप दिला.
थोरात यांना चोप देत असताना कार्यकर्त्यांनी डॉक्टरच्या अंगावर काळी शाई फेकून निषेध केला. यावेळी डॉक्टर थोरात यांनी माफी मागून आपली सुटका करून घेतली, असल्याची माहिती सुत्रांनी दिली.
