औरंगाबाद - नारेगावचे नगरसेवक गोकुळ मलके यांना पोलीस अधिकाऱ्याने कथितरित्या शिवीगाळ केल्यामुळे येथील नागरिकांनी सिडको पोलीस ठाण्यात ठिय्या आंदोलन केले. मंगळवारी मतदान प्रक्रियेदरम्यान पोलीस उपनिरीक्षक अकमल यांनी मलेक यांना शिवीगाळ केली, असा आरोप आंदोलकांनी केला.
नगरसेवक गोकुळ मलके माध्यमाशी बोलताना
नारेगाव परिसरात लोकसभा निवडणूक प्रक्रिया पार पडत असताना एमआयडीसी सिडको पोलीस ठाण्यात कार्यरत असलेल्या पोलीस उपनिरीक्षक अकमल हे त्या भागात कर्तव्यासाठी तैनात होते. दुपारी चारच्या सुमारास मतदान केंद्राच्या बाहेर असेलेले नारेगाव वार्डाचे नगरसेवक गोकुळ मलके यांना खालच्या पातळीवर शिवीगाळ केल्याचा आरोप मलके यांनी केला. या घटनेनंतर नारेगाव परिसरात तणाव निर्माण झाला होता.