औरंगाबाद -कन्नड तालुक्यातील चापानेर-जळगाव घाट रस्त्यावरील खेडा फाट्याजवळ गुरुवारी रात्री 8 च्या सुमारास एसटी महामंडळाच्या बसने दुचाकीला धडक दिली. या अपघातात दुचाकीस्वाराचा मृत्यू झाला आहे. अशोक एकनाथ जाधव (वय 52) वर्ष राहणार चापानेर असे मृत व्यक्तीचे नाव आहे.
जेहुर-औरंगाबाद ही बस औरंगाबाद येथून जेहुरकडे जात होती. यावेळी अशोक जाधव हे दुचाकीने जळगाव घाटकडे जात होते. दरम्यान, खेडा फाट्याजवळ बसची दुचाकीला धडक बसली. माहिती मिळताच पोलिसांनी घटनास्थळी जाऊन जाधव यांना चापानेर येथील प्राथमिक आरोग्य केंद्रात जाधव यांना दाखल केले. मात्र, डॉक्टरांनी तपासात त्यांना मृत घोषित केले. या घटनेप्रकरणी कन्नड पोलीस पुढील तपास करीत आहेत.