अमरावती -हरिसालच्या वन परिक्षेत्र अधिकारी दीपाली चव्हाण यांच्या आत्महत्येमुळे जिल्ह्यात हळहळ व्यक्त होत आहे. दुसरीकडे खासदार नवनीत राणा आणि आमदार रवी राणा मेळघाटात होळी उत्सव साजरा करीत असल्याचा निषेध शिवसेनेने नोंदविला आहे. राणा दाम्पत्याने हरिसाल येथे होळीला चपलांचा हार घालून हिंदूंचा अवमान केल्याचा आरोप करीत राणा दाम्पत्याच्या फोटोला चपलांचा हार चढवला.
होळीला चपला हार घातल्याचा निषेध -
हिंदू धर्मात फुलांचा आणि शेणाच्या गौऱ्यांचा हार घालून होळी पेटविण्याची परंपरा आहे. होळीच्या सणाला हरिसाल येथे खासदार नवनीत राणा यांनी दीपाली चव्हाण आत्महत्या प्रकरणात दोषी असणाऱ्या विनोद शिवकुमार आणि श्रीनिवास रेड्डी या वन अधिकाऱ्यांच्या फोटोला चपलांचा हार घातला. हा प्रकार गंभीर असल्याचे शिवसैनिकांचे म्हणणे आहे.
राणा दाम्पत्याच्या फोटोला शिवसैनिकांनी घातला चपलांचा हार..