अमरावती - अमरावती जिल्ह्यातील तिवसा येथे वृक्षारोपनासाठी महिलांनी पुढाकार घेतला आहे. झाडाला टीगार्ड लावून या वृक्षांना आपल्या मुला मुलींचे नाव देण्यात आले आहे. ही झाडे जगवून पुढील वर्षी त्यांचा वाढदिवसदेखील महिला साजरा करणार असल्याचे संबंधित महिलांनी सांगितले.
वृक्ष आणि वन याचं महत्त्व संत तुकाराम महाराजांनी ४०० वर्षांपूर्वी त्यांच्या 'वृक्षवल्ली आम्हा सोयरे' या अभंगाच्या माध्यमातून सांगितले आहे, त्यासाठी आता प्रत्येकांनी आपली जबाबदारी स्वीकारून वृक्षारोपण करण्याची गरज आहे. यासाठी लोकचळवळ उभारली जावी, अशी शासनाची इच्छा आहे. त्यामुळे तिवसा येथील त्रिमूर्ती नगर येथील महिलांनी एकत्र येत आपल्या घरापासून वृक्ष लागवड करण्याचा संकल्प घेत आज आपल्या परिसरात वृक्ष लागवड केली.
अमरावतीतील तिवसा येथे वृक्षारोपण, रोपट्यांना दिली मुला-मुलींची नावे