अमरावती- कोरोनाचा संसर्ग टाळण्यासाठी संचारबंदी लागू आहे. त्यातच अमरावतीकरांना जीवनावश्यक वस्तू खरेदीसाठी चार तासांचा वेळ दिला असताना अमरावती कृषी उत्पन्न बाजार समितीमध्ये सध्या दररोज मोठ्या प्रमाणात भाजीपाला वाया जात आहे. सडणारा भाजीपाला दररोज पन्नासहून अधिक ट्रॅक्टरच्या ट्रॉल्याभरून फेकला जात आहे.
अमरावतीत भाजीपाला जातोय कचऱ्यात
सध्या, शहरात जिल्ह्याच्या विविध भागातून शेतमाल येत आहे. या शेतमालाची खरेदी सकाळी 8 ते दुपारी 12 वाजेपर्यंतच करण्याची मुभा अमरावतीकरांना आहे. संचारबंदीमुळे गल्लीबोळात हातगाडीवर भाजी विकणारे सध्या पोलिसांच्या धास्तीमुळे घरातच आहेत. सकाळी 8 ते 12 या वेळात शहरात आलेला भजीपाला खरेदीसाठी नागरिक बाहेर पडत आहेत.