अमरावतीतील चिखलदरा पर्यटकांच्या गर्दीने हाऊसफुल्ल

आठवड्यापासून येथील मेळघाटात चांगला पाऊस पडत आहे. त्यामुळे चिखलदरा येथील हिरवळ चांगलील पसरली आहे. त्यामुळे येथील परिसर मोहक झाला आहे. त्यामुळे शनिवार आणि राविवारी चिखलदरा पर्यटकांच्या गर्दीने फुलून जात आहे. चिखलदरा मधील प्रत्येक पॉइंट वर मेळघाटच्या अतभूत अशा मनमोहक सौंदर्याचा आनंद पर्यटक घेताना दिसत आहेत.

अमरावती- गेल्या आठवड्यापासून मेळघाटात चांगला पाऊस पडत आहे. त्यामुळे चिखलदराचे निसर्ग सौदर्य खुलून गेले आहे. हा मोहक परिसर पाहण्यासाठी शनिवार आणि राविवारी चिखलदरा पर्यटकांच्या गर्दीने फुलून जात आहे. चिखलदरा मधील प्रत्येक पॉइंटवर मेळघाटच्या अद्भूत अशा मनमोहक सौंदर्याचा आनंद पर्यटक घेताना दिसत आहेत.

सातपुडा पर्वतरांगेत एक हजार मीटर उंचीवर असलेले जिल्ह्यातील चिखलदरा विदर्भातील एकमेव थंड हवेचे ठिकाण आहे. मेळघाट व्याघ्र प्रकल्प आणि गुगामल नॅशनल पार्क याच भागात आहेत. गाविलगड व नर्नाळा किल्लाही याच परिसरात आहेत. याठिकानी उंचावरून कोसळणारे धबधबे रौद्रभीषण सौंदर्याची अनुभूती देतात. विस्तीर्ण पसरलेली नैसर्गिक तळी मनाला शांतावतात. आल्हाददायक वातावरणामुळे चित्तवृत्ती प्रफुल्लीत होते. खाली उतरलेल्या ढगांमुळे तर प्रत्यक्ष स्वर्गाचाच अनुभव येतो. हाच अनुभव घेण्यासाठी महाराष्ट्रातील पर्यटक चिखलदरा येथे मोठ्या प्रमाणात येतात.