अमरावती - राज्यभरात थंडीचा जोर वाढला असतानाच पावसाने हजेरी लावली. वातावरणातील या बदलामुळे गुरुवारी सकाळी अमरावती धुक्यात हरवल्याचे दिसले. दरम्यान, थंडी आणि पावसामुळे लोकांची चांगलीच तारांबळ उडत असून या परिस्थितीत स्वेटर घालावे की रेनकोट, असा प्रश्न अमरावतीकरांना पडला आहे.
अमरावती शहर हरवले धुक्यात
कडाक्याची थंडी आणि पावसामुळे वातावरण पार बदलले असताना अमरावती शहर गुरुवारी सकाळी पूर्णतः धुक्याने वेढले गेले. शहराचा मध्यबिंदू असणारी मालटेकडी, वडाळी तलाव येथील टेकडीवर असणारा रेल्वेचा टॉवर धुक्यामुळे काही वेळ दिसेनासा झाला होता.
हेही वाचा -शेतात येऊन पाहिलं; दुसऱ्या दिवशी कापूस, संत्रा काढायचं ठरवलं, पण गारपीट आली अन्...