अमरावती - शहराचे आराध्य दैवत असणार्‍या श्री अंबा आणि श्री एकवीरा या दोन्ही देवींचे मंदिर बंद करण्यात आले. कोरोनाचा संसर्ग टाळण्यासाठी जिल्हा प्रशासनाने दिलेल्या निर्देशानुसार श्री अंबादेवी मंदिर संस्थान आणि श्री एकवीरादेवी मंदिर संस्थान बंद करण्याचा निर्णय घेण्यात आला.
कौतुकास्पद! कोरोनाचा संसर्ग टाळण्यासाठी अमरावतीच्या आराध्य दैवत अंबादेवी आणि एकवीरा देवीचे मंदिर बंद
कोरोनाच्या धास्तीमुळे गेल्या काही दिवसांपासून या दोन्ही मंदिरात भाविकांची गर्दी ओसरली होती. श्री अंबादेवी मंदिर संस्थानाने गुरुवारी भाविकांना दर्शनासाठी मंदिर बंद करण्याचे घोषित केले. तर, श्री एकवीरा देवी मंदिर संस्थानने आज कोरोनाचा संसर्ग टाळण्यासाठी शासनाच्या पुढील आदेशापर्यंत मंदिर बंद ठेवण्यात येत असल्याचे जाहीर केले.