अमरावती- सायकलशी मैत्री करण्यासोबत पर्यावरणाचा समतोल राखण्याचा संदेश देत दोन वयोवृद्ध सायकलने प्रवासाला निघाले आहेत. मुंबईच्या गेट वे ऑफ इंडिया ते थेट नेपाळ असा २ हजार ५०० किलोमीटरचा ते प्रवास करत आहेत. तिवसावरून अमरावती-नागपूर राष्ट्रीय महामार्गावरून जात असताना त्यांनी ईटीव्ही भारतशी संवाद साधला.
वयोवृद्धांचा सायकलने प्रवास
सांगली येथील गोविंद परांजपे हे ८१ वर्षीय वयोवृद्ध १ मे पासून मुंबईवरून सायकलने प्रवासाला निघाले आहेत. त्यानंतर आठव्या दिवशी त्यांचे सहकारी सेवानिवृत्त कर्मचारी प्रकाश काशीनाथ पाटील (रा. पुणे वय -६०) हेदेखील त्यांच्या सोबतीला निघाले. या दोघांचे उद्देश एक असून दोघेही सायकलने मुंबई ते नेपाळ असा २ हजार ५०० किलोमीटरचा प्रवास करणार आहेत.