अकोल्यात 500 रुपयांची लाच घेताना महिला तलाठ्याला अटक

तक्रारदाराच्या मालकाचे शेतीचे फेरफारला नोंद करून सातबारा देण्याकरिता महिला तलाठी जयश्री राणे हिने तक्रारदारास 500 रुपयांची लाच मागितली होती.

अकोला -तक्रारदाराच्या मालकाचे शेतीचे फेरफारला नोंद करून सातबारा देण्याकरिता 500 रुपयांची लाच मागणाऱ्या महिला तलाठ्याला लाचलुचपत प्रतिबंधक विभागाने गुरूवारी बाळापूर बसस्थानकातून रंगेहाथ अटक केली. या कारवाईने महसूल विभागातील भ्रष्टाचार चव्हाट्यावर आला आहे. जयश्री संतोष राणे, असे अटक केलेल्या महिला तलाठ्याचे नाव आहे.

हेही वाचा - मुस्लीम समाजाला वापरून घेणाऱ्या राजकीय पक्षांना विरोध; समाजाच्या बैठकीतील निर्णय

तक्रारदाराच्या मालकाचे शेतीचे फेरफारला नोंद करून सातबारा देण्याकरिता महिला तलाठी जयश्री राणे हिने तक्रारदारास 500 रुपयांची लाच मागितली होती. ही लाच देण्यास तक्रारदार तयार नसल्याने त्यांनी एसीबीकडे तक्रार केली. त्यानंतर एसीबीने 29 ऑगस्टला पडताळणी केली.

हेही वाचा - समाज कल्याण विभागाला 'बेशरमच्या झाडा'चे तोरण लावून वंचित आघाडीचे आंदोलन

ठरल्यानुसार एसीबीने बाळापूर बसस्थानकात सापळा रचला. तेथे तक्रारदाराने तलाठी राणे हिला रोख 500 रुपये दिले. ते स्वीकारताना दबा धरून बसलेल्या एसीबीने तलाठ्याला अटक करून लाचेची रक्कम जप्त केली. याप्रकरणी बाळापूर पोलीस ठाण्यात गुन्हा दाखल करण्यात आला आहे. ही कारवाई पोलीस उपअधीक्षक एस. एस. मेमाणे यांच्या नेतृत्वाखाली करण्यात आली.

हेही वाचा - चौपदरीकरनाच्या खोदलेल्या जागेत फसली बस; कोणतीही जीवितहानी नाही