अकोला - मागील दहा दिवसांच्या विश्रांतीनंतर आज गुरुवारी दुपारी पावसाने मूर्तिजापुरात जोरदार हजेरी लावली. या पावसामुळे वातावरणात गारवा निर्माण झाला. तर अचानक आलेल्या पावसाने नागरिकांची तारांबळ उडाल्याचे चित्र पाहायला मिळाले.
मुर्तीजापुरातील पावसाची दृष्ये आज सकाळपासूनच मुर्तीजापुरात ढगाळ वातावरण तयार झाले होते. यानंतर काहीकाळ जोरदार पावसाने तालुक्यात हजेरी लावली. यामुळे मुर्तीजापुरकरांची तारांबळ उडवली. अनेक ठिकाणी अचानक आलेल्या या पावसामुळे नागरिकांची गैरसोय झाली. दरम्यान, पावसाच्या उघडीमुळे पिकांना जीवदान मिळाले होते. मात्र, आता आलेल्या या पावसामुळे पिकांना धोका निर्माण होण्याची शक्यता आहे.
