अहमदनगर - विधानसभा निवडणुकीच्या तारखा जाहीर होण्याअगोदरच अहमदनगर जिल्ह्यातील राजकीय वातावरण तापले आहे. श्रीरामपूरमधील काँग्रेसचे आमदार भाऊसाहेब कांबळे यांनी विधानसभा निवडणुकीच्या पार्श्वभूमीवर शिवसेनेत प्रवेश केला.
भाऊसाहेब कांबळेंच्या विरोधात श्रीरामपूर शहरासह आसपासच्या भागात अज्ञात व्यक्तींनी फलक लावले
मात्र, त्यांचा हा पक्ष बदल श्रीरामपुरातील मतदारांना रूचला नाही. कांबळेंच्या विरोधात श्रीरामपूर शहरासह आसपासच्या भागात अज्ञात व्यक्तींनी फलक लावले आहेत. या फलकांवर 'आमचं ठरलंय सत्तेसाठी थोरात आणि विखेंना फसवणाऱ्याला पाडायचं', असा मजकूर लिहलेला आहे. यामुळे कांबळेंच्या विरोधातील नाराजी आता जाहीर स्वरूपात पुढे आली आहे.