अहमदनगर- कोरोनाच्या संकटात संपूर्ण देश लॉकडाऊन असताना ज्येष्ठ समाजसेवक अण्णा हजारे यांचे राळेगणसिद्धीसुद्धा संपूर्ण बंद होते. स्वतः अण्णांनी या परिस्थितीत स्वतःला आपल्या खोलीत क्वारंटाईन करून घेतले होते, पण, आता जनजीवन सुरळीत होत आहे. या कोरोनाच्या काळात राळेगणसिद्धी गाव हे सुरक्षित राहिले आहे.
आपल्या जनांदोलनाच्या माध्यमातून सरकारकडून लोकहिताचे कायदे करण्यास भाग पाडणारे ज्येष्ठ समाजसेवक अण्णा हजारे हे कोरोनाच्या या काळात स्वतः यादवबाबा मंदिरात क्वारंटाईन होते. अण्णा गेल्या दोन महिन्यांपासून कुणालाही भेटले नाहीत. राळेगणसिद्धी परिवारानेसुद्धा कोरोनाचा प्रादुर्भाव पाहता सर्व नियम-अटी पाळत गावगाडा बंद ठेवला होता.
कोरोनात अण्णा हजारेंचे राळेगणसिद्धी सुरक्षित