अहमदनगर - नगर दक्षिणची जागा काँग्रेसला सोडावी अशी मागणी करण्यासाठी पक्षाचे अध्यक्ष राहुल गांधींना भेटायला गेलो होतो. त्यावेळचा अनुभव धक्कादायक असल्याचे वक्तव्य राधाकृष्ण विखे पाटील यांनी केले. सुजयने राष्ट्रवादीच्याच तिकिटावर निवडणूक लढवावी, असे राहुल गांधींनी सुचवले होते. ही गोष्ट धक्कादायक असल्याचे विखे-पाटील म्हणाले. पक्षाच्या नेत्यांनी भक्कमपणे पाठीमागे उभे राहायला हवे होते, असेही विखे पाटील म्हणाले. नगर दक्षिणमधून राष्ट्रवादीचा ३ वेळेस पराभव झाला होता. त्यामुळे यावेळेस ही जागा काँग्रसेला सोडण्याची मागणी केली होती. राष्ट्रवादीचे अध्यक्ष शरद पवार यांनाही भेटलो असल्याचे विखे म्हणाले.
राहुल गांधींशी झालेल्या भेटीचा अनुभव धक्कादायक- विखे पाटील