अहमदनगर- झारखंडमधील मॉब लिंचिंगमध्ये तबरेज अंसारी या युवकाची निर्घृणपणे हत्या करण्यात आली होती. या हत्येचा निषेध म्हणून अहमदनगरमध्ये सर्व धर्मियांच्यावतीने शुक्रवारी जिल्हाधिकारी कार्यालयावर जनआक्रोश मूकमोर्चा काढण्यात आला.
मॉब लिंचिंगच्या विरोधात अहमदनगरमध्ये जनआक्रोश मूक मोर्चा
या मोर्चात मुस्लिम समाजासह इतर धर्मीय नागरिक मोठ्या संख्येने उत्स्फूर्तपणे सहभागी झाले होते. यावेळी हिंदू-मुस्लिम-सिख-ईसाई, हम सब भाई-भाई अशा घोषणा देण्यात आल्या. अन्यायाविरोधात शांतता आणि संविधानप्रेमी सर्वधर्मीय नागरिकांनी एकत्र येत कट्टरतावादाला तोंड दिले पाहिजे, असे आवाहनही यावेळी करण्यात आले.