अहमदनगर- पारनेर तालुक्यातील निघोज परिसरात तहसीलदारांनी अनधिकृत स्टोन क्रशरवर कारवाई केली. मात्र, यानंतर हे क्रशर पुन्हा सुरू झाल्याने त्याचे चित्रीकरण करणाऱ्या दोघांचा गुंडांनी पाठलाग केला. यानंतर खडी क्रशर चालक आणि त्याच्या गुंडांनी संबंधितांना बेदम मारहाण केली. त्यानंतर काही काळ डांबून ठेवले. हा मारहाणीचा प्रकार सीसीटीव्हीत कैद झाला आहे. खडी क्रशर चालक, वाळू माफिया, भूखंड माफिया या अवैध धंद्यांचे प्रमाण वाढले आहे. यावर पोलिसांचा धाक राहिला नसल्याचे या घटनेतून समोर आल्याची चर्चा परिसरात आहे.
अवैध खडी क्रशरचे चित्रीकरण करणाऱ्या दोघांना बेदम मारहाण करण्यात आली आहे.