अहमदनगर -कमी पर्जन्यमानाबरोबरच उष्णता अधिक वाढल्याने उन्हाच्या तीव्रतेपासून डाळिंब बागा वाचवण्यासाठी शेतकऱ्यांची धडपड सुरू झालेली पहिला मिळत आहे. संगमनेर तालुक्यातील बोटा येथील राजेद्र विठ्ठल शेळके या शेतकऱ्याने आपल्या पाच एकर शेती पैकी तीन एकर डाळिंब बागेला क्रॉप कव्हरचे अच्छादन टाकून आपली डाळिंब बागा वाचवण्याचा प्रयत्न चालवला आहे.
दिवसेंदिवस उन्हाची तीव्रता वाढत असल्याने शेतकरी वेगवेगळे प्रयोग करुन डाळिंब पिकाची देखरेख करत आहेत. पाण्याची कमतरता आहेच; पण उन्हामुळे डाळिंब बागेचा दर्जा घसरत चालला आहे. शेतकरी पाण्याचा गारवा टिकून रहावा म्हणून पाचटाचे आच्छादन जमिनीवर अंथरत आहेत. डाळींब बागेला पाण्याची कमतरता भासत असल्याने साठवलेले शेततळे, विहिरी, बोअरवेल इ. साठे संपुष्टात आल्याने शेतकरी आपले पिके लवकर देत आहेत. पावसाचे प्रमाण कमी झाल्याने नदीनाल्यांना पाणी आले नाही.