शिर्डी- गुरुपौर्णिमेनिमित्त शिर्डी येथे दर्शनासाठी अनेक पायी दिंड्या शिर्डीला येतात. अशीच एक शहादा ते शिर्डी पायी दिंडी येवल्यात दाखल झाली असता या दिंडीत तरुणांनी साईबाबाकडे अनेक प्रार्थनाचे फलक व सामाजिक संदेश देणारे फलक हातात घेऊन पायी दिंडी काढली. येवलेवासियांनी या अनोख्या दिंडीकडे उत्सुकतेने स्वागत केले आहे.
येवलेवासीयांनी केले दिंडीचे उत्सकुतेने स्वागत दिंडीत आमची प्रार्थना दुष्काळमुक्तीसाठी, देश सेवा करणाऱ्या सैनिकांचे सुखासाठी, शेतकऱ्यांच्या सुखासाठी, बिटिया है घर की शान, बेटी बचाओ बेटी पढ़ाओ, व्हॉट्सअॅप फेसबुक सोशल मीडियाचा वापर चांगला संदेश पॊहचवण्यासाठी करा, सांसे हो रही है कम, पेड लगा कर देश सेवा करें हम; असे आगळ्यावेगळ्या संदेशाचे फलक घेऊन हे साईभक्त साईबाबांकडे शहादा येथून शिर्डीच्या दिशेने पायी निघाले आहेत.
