अहमदनगर- जिल्ह्यातील संगमनेर तालुक्यातील घारगाव येथे बिबट्याने गाईवर हल्ला केला. आज शनिवारी सकाळी साडेनऊ वाजण्याच्या सुमारास ही घटना घडली. त्यामुळे शेतकऱ्यांमध्ये भितीचे वातावरण निर्माण झाले आहे.
अहमदनगरमध्ये बिबट्याच्या हल्ल्यात गाय ठार; शेतकऱ्यांमध्ये भितीचे वातावरण
संगमनेरमधील पठार भागात दिवसेंदिवस बिबट्याचा वावर वाढत चाललेला आहे. याच परिसरातील शेतकरी शिवराम आहेर यांच्या घरालगतच असलेल्या गोठ्यात गाय बांधून होती. आज सकाळी गाईंचा हंबरण्याचा मोठा आवाज आल्याने ते गोठ्यात गेले. यावेळी बिबट्याने एका गाईच्या मानेवर हल्ला करून जागेवरच ठार मारल्याचे दिसून आले.