अहमदनगर- लग्न सोहळ्यात हौस करण्यासाठी वेगवेगळे फंडे अवलंबले जात आहेत. राहाता येथील साकुरी येथे पार पडलेल्या एका विवाह सोहळ्यात नववधुची पाठवणी थेट हेलिकॉप्टर मधुन केली गेली. नववधुला सरप्राईज म्हणुन माहेरच्या मंडळींनी हे आयोजन केल होते. माहेर साकुरी असलेल्या अंजलीला साकुरी ते शिरूर तालुक्यातील धानोरे अशी हवाईसफर घडवत कुटूंबीयांनी सुखद धक्का दिला.
विवाह सोहळ्यानंतर हेलिकॉप्टरमधून नववधूची पाठवणी करण्यात आली
शिर्डी जवळील साकुरी येथील शिवपार्वती मंगल कार्यालयात आज दंडवते आणि डफळे परिवाराचा लग्नसोहळा आयोजीत करण्यात आला होता. दुपारी ४ वाजेच्या दरम्यान अचानक हेलिकॉप्टर मंगल कार्यालयासमोरील मैदानानर उतरले आणि वऱ्हाडी मंडळी, नातेवाईक आणि मित्र परिवारात मोठे कुतूहल पाहायला मिळाले.