अहमदनगर - जगभर घबराट निर्माण करणाऱ्या कोरोना विषाणूचे अहमदनगरसह राज्यात 19 रुग्ण आढळले आहेत. या पार्श्वभूमीवर सध्या राळेगणसिद्धीला भेट देण्यास येऊ नये, असा विनंतीवजा सल्ला समाजसेवक अण्णा हजारे यांनी दिला आहे. याबाबत शुक्रवारी अण्णांनी एक प्रसिद्धी पत्रक काढले.
अण्णा हजारेंचा चाहत्यांना सल्ला
राळेगणसिद्धी येथे ग्रामविकासाचे कार्य पाहण्यासाठी देशातील विविध राज्यातून त्याचप्रमाणे विदेशातूनही पर्यटक येतात. सध्या जगभर कोरोना हा संसर्गजन्य रोग पसरतो आहे. कोरोना हा जीवघेणा रोग असल्याने, त्याचा संसर्ग वाढू नये यासाठी कोणीही राळेगणसिद्धीला भेट देऊ नये, अशी विनंती अण्णा हजारे यांनी प्रसिद्धी पत्रकात केली आहे.