टोलनाक्यावर ट्रकचालकाची मुजोरी; कर्मचाऱ्याला बेदम मारहाण

संगमनेर तालुक्यातील हिवरगाव पावासाजवळ पुणे-नाशिक महामार्गावरील टोलनाक्यावर ट्रकचालकाने टोल कर्मचाऱ्यावर चाकूने हल्ला केल्याची घटना समोर आली आहे. ही संपूर्ण घटना सीसीटीव्हीमध्ये कैद झाली असून जखमी कर्मचाऱ्याला शहरातील खासगी रुग्णालयात दाखल करण्यात आले आहे.

अहमदनगर - संगमनेर तालुक्यातील हिवरगाव पावासाजवळ पुणे-नाशिक महामार्गावरील टोलनाक्यावर ट्रकचालकाने टोल कर्मचाऱ्यावर चाकूने हल्ला केल्याची घटना समोर आली आहे.

टोल देण्यावरुन ट्रकचालक आणि टोल कर्मचाऱ्यामध्ये वाद झाला. यानंतर ट्रकचालाकाने आपल्या मित्रांना टोलनाक्यावर बोलावून घेतले; आणि टोल कर्मचारी नवनाथ घुले याला बेदम मारहाण केली. तसेच या दरम्यान नवनाथवर चाकूने हल्ला करण्यात आला. ही संपूर्ण घटना सीसीटीव्हीमध्ये कैद झाली असून जखमी कर्मचाऱ्याला शहरातील खासगी रुग्णालयात दाखल करण्यात आले आहे.

यानंतर हल्लेखोर घटनास्थळावरुन पसार झाले असून ग्रामीण पोलीस ठाण्यात याविरोधात गुन्हा नोंदवण्याची प्रक्रिया सुरू आहे.