न्यूयॉर्क - सर्बियाचा टेनिस स्टार नोवाक जोकोविच यूएस ओपनच्या उपांत्य फेरीत पोहोचला आहे. त्याने उपांत्यपूर्व फेरीच्या सामन्यात इटलीच्या माटेओ बेरेटिनी याचा पराभव केला. पिछाडीनंतर जोकोविचने शानदार पुनरागमन करत इटलीच्या खेळाडूचा 5-7, 6-2, 6-2, 6-3 अशा फरकाने पराभव केला.
नोवाक जोकोविचची शानदार वापसी -
नोवाक जोकोविचचा ग्रँडस्लॅममध्ये आत्तापर्यंत उपांत्यपूर्व फेरीत पराभव झालेला नाही. माटेओ बेरेटिनी याने यूएस ओपन स्पर्धेच्या उपांत्यपूर्व फेरीत पहिला सेट 7-5 अशा फरकाने जिंकला. दुसऱ्या सेटमध्ये जोकोविचने ताकतीने फटके मारले. याचा सामना बेरेटिनी याला करता आला नाही. परिणामी जोकोविचने दुसरा सेट 6-2 अशा फरकाने जिंकला. तिसऱ्या सेटमध्ये बेरेटिनी याने वापसी करण्याचा प्रयत्न केला. पण अनुभवी जोकोविचने त्याचे मनसुबे हाणून पाडले. पुढील दोन्ही सेट 6-2, 6-3 अशा फरकाने जिंकत त्याने 12व्यांदा यूएस ओपन स्पर्धेची उपांत्य फेरी गाठली.